ОН бараат решение со две држави за конфликтот меѓу Израел и Палестинците

Генералниот секретар на Обединетите нации, Антонио Гутереш, за време на самитот во Кампала го повтори повикот за решение за две држави, додека израелскиот премиер Бенјамин Нетанјаху повторно ја отфрли можноста за суверена палестинска држава. Според Гутереш, негирањето на решението за две држави го продолжува конфликтот, кој стана глобална закана за мирот и безбедноста. Тој, исто така, повтори повици за итен прекин на огнот во битката меѓу Израел и Хамас во Појасот Газа. За разлика од Гутереш, Нетанјаху постојано ја отфрла идејата за палестинска држава откако ќе заврши конфликтот во Газа. Тој изјави дека нема да прави компромиси за безбедносната контрола на целата област западно од Јордан. Нетанјаху го повтори ставот дека секое решение во блиска иднина мора да вклучува израелска воена контрола врз целиот Западен Брег.

Како што продолжуваат нападите во конфликтот Израел-Хамас, жителите во Газа се борат за храна, залихи, санитарни услови и друга хуманитарна помош. Во израелскиот воздушен, копнен и поморски напад врз Газа загинаа речиси 25.000 Палестинци, од кои две третини жени и деца, според Министерството за здравство на територијата под контрола на Хамас.

„Во Газа, израелските воени операции предизвикаа огромно уништување и убијаа цивили на размери без преседан додека јас сум генерален секретар. Мораме да направиме се што можеме за да спречиме разгорување на конфликтот низ регионот, а тоа започнува со итен хуманитарен прекин на огнот да се олесни страдањето во Газа, да се дозволи хуманитарната помош да стигне до секој што има потреба и да се олесни ослободувањето на заложниците, кое мора да биде итно и безусловно. Повтореното вчерашно одбивање да се прифатат решенијата со две држави за Израелците и Палестинците е целосно неприфатливо, негирањето на правото за државност на палестинскиот народ би го продолжила на неодредено време конфликтот кој стана главна закана за глобалниот мир и безбедност, ќе ја влоши поларизацијата и ќе ги поттикне екстремистите насекаде“, рече Антонио Гутереш, генерален секретар на Обидинетитет Нации.