ИСТАНБУЛ (АА) – Турските безбедносни сили неутрализираа 10 терористи на ПКК во северен Ирак, објави денес турското Министерство за национална одбрана, јавува Анадолу.
Во областа на операцијата „Канџа-катанец“ во северен Ирак, во воздушна операција неутрализирани се 10 терористи на ПКК, се вели во соопштението на Министерството на платформата Х.
„Нашите херојски Турски вооружени сили продолжуваат да ги уништуваат засолништата на терористите со нивните челични канџи“, се додава.
Министерството, исто така, ја изрази решеноста на Туркије во елиминирањето на терористите.
Туркије ја започна операцијата „Канџа-катанец“ во април 2022 година за таргетирање на засолништата на терористичката организација ПКК во северните ирачки региони Метина, Зап и Авашин-Басјан во близина на турската граница.
На тоа претходеа операциите „Канџа-тигар“ и „Канџа-орел“, започнати во 2020 година за искоренување на терористите кои се кријат во северен Ирак и планираат прекугранични напади во Туркије.
Во својата над 35-годишна терористичка кампања против Туркије, ПКК, којашто е ставена на листата терористички организации од страна на Туркије, САД, Велика Британија и ЕУ, е одговорна за смртта на повеќе од 40.000 луѓе, вклучително бебиња, деца и жени.
Извор: Anadolu Agency (AA)
