Екипажот на мисијата Ах-3 пречекан на Меѓународната вселенска станица од Експедицијата 70

January 20, 2024
1 min read

АНКАРА (АА) – Членовите на екипажот на тимот Ax-3, кои денеска успешно се приклучија на Меѓународната вселенска станица со вселенско летало на Спејс икс беа пречекани од Експедицијата 70, која моментално престојува на Меѓународната вселенска заедница, јавува Анадолу.

Аксиом Спејс во живо ја пренесуваше церемонијата за добредојде подготвена за тимот на Ax-3, во кој е и турскиот астронаут Алпер Гезеравџи, кој се заблагодари за пречекот.

„Пред сè би сакал да се заблагодарам на седумчлениот тим на експедицијата за љубезното гостопримство. Тие всушност нѐ чекаа на врата. Беше многу убав и љубезен дочек за нас. Би сакал да им се заблагодарам на сите за големиот труд во последните осум месеци обука за да стигнеме до овде, како и на сите наши колеги кои придонесоа за нашето безбедно патување кон Меѓународната вселенска станица. Како Туркије, среќни сме што го направивме првиот чекор во нашата историја. Се радуваме што ќе придонесеме за научно-истражувачката работа овде“, рече Гезеравџи на англиски јазик.

Потоа кратко се обрати и на турски и рече:

„Сакам да ја изразам мојата благодарност до Гази Мустафа Кемал Ататурк и неговите соборци, кои ја основаа Република Туркије и ни ја оставија во аманет, на сите наши загинати херои кои ги дадоа своите животи за оваа земја, нашата држава и народот чија силна волја ни овозможи да стапнеме овде“, рече Гезеравџи.

Своето кратко обраќање го заврши со реченицата: „Иднината е на небото“, инаку позната реченица на основачот на модерна Туркије, Мустафа Кемал Ататурк.

По речиси 36 часа патување низ вселената, тимот на Ax-3, во кој е и турскиот астронаут Гезеравџи, пристигна на Меѓународната вселенска станица во 11:42 часот по централноевропско време.

Гезеравџи и тројца членови на екипажот од Шпанија, Италија и Шведска ќе изведат над 30 научни експерименти и демонстрации на Меѓународната вселенска станица како дел од мисијата Ах-3. Гезеравџи е првиот турски патник во вселената и ќе спроведе 13 научни истражувања за време на неговиот 14-дневен престој во станицата.

Мисијата Ax-3 ја предводи Мајкл Лопез-Алегрија, кој ги претставува САД и Шпанија, додека во екипажот се и Валтер Виладеи како пилот од Италијанските воздухопловни сили и Маркус Ванд од Шведска, претставник на Европската вселенска агенција.

Полетувањето првично беше планирано за 9 јануари, но двапати беше одложено за 17 јануари, а потоа за 18 јануари.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

MARKETING

MARKETING

MARKETING

Претходно

Снегот го отежна сообраќајот низ земјава

Следно

Ако Украина падне конфликтот ќе се прошири и на Балтикот – предупредуваат украинските активисти во земјава

Latest from Blog

Проект вреден 37.300.000 евра: Премиерот Мицкоски ќе ја пушти во употреба делницата Градско-Дреново

Премиерот Христијан Мицкоски утре во 11 часот ќе присуствува и свој говор ќе има на пуштање во употреба на делницата Градско-Дреново (дел од експресниот пат Градско-Фариш). Делницата Градско-Дреново е во должина од

ПОЧИНА ИТАЛИЈАНСКИОТ ФОТОГРАФ ОЛИВИЕРО ТОСКАНИ, ЧИИ КАМПАЊИ ЗА „БЕНЕТОН“ ГО ШОКИРАА СВЕТОТ

Модниот фотограф Оливиеро Тоскани, кој се прослави со своите шокантни рекламни кампањи за „Бенетон“, почина на 82 години, објави неговото семејство. Поранешниот уметнички директор на „Бенетон“ минатата година објави дека боледува од

Пораснал бројот на туристи

Податоците од Државниот завод за статистика покажуваат значителен пораст на странските туристи кои ја посетиле Македонија. Во ноември 2024 година, земјата ја посетиле 66.701 туристи, од кои 68.4% биле странски, а 31.6%

Мицкоски на Вевчански карневал- Традиција стара неколку века

Премиерот Христиојан Мицкоски присуствува на Вевчанскиот карневал. -Традиција стара неколку века. Вевчанскиот пасош одамна го имам, исто како и задоволството да сум дел од Василичарскиот Вевчански карневал, пишува Мицкоски на Фејсбук. ИЗВОР:
Go toTop