Ковачевски: Ставот на амбасадорот Коп е во ред, но ако некој има притисок, треба да го каже со име и презиме

Доколку било кој бил под притисок од било кого, тоа треба да го каже со име и презиме. Ова го изјави денеска премиерот Димитар Ковачевски, како одговор на новинарско прашање за вчерашната порака на амбасадорот на Кралството Холандија во земјава, Дирк Јан Коп, која ја упатил на средбата со лидерот на Демократската унија за интеграција, Али Ахмети, дека е неприфатливо несоодветно политичко влијание врз позицијата на претседателот на Врховниот суд.