Изјавата на премиерот е класичен обид да се смени темата за да дискутираме за нешто од терцијарно значење, кој чив роднина бил. Проблемот е друг. Небото не е поделено, тоа не е железница. Во континуитет се појавуваат вакви проблеми. Индикативно е што партиите што се на власт го третираат изборниот процес како четиригодишен тендер со мастер-буџет па партиите можат да го спроведуваат тој тендер тие четири години како што сакаат. Не покажуваат слих за мислењето на јавноста, а не мислам ни дека интервенциите на амбасадорите не допираат до нив, а за тоа е најдобар приказ изјавата на премиерот, вели политичкиот аналитичар Бесим Небиу во емисијата 24 анализа на ТВ 24.
– Целиот наратив дека вака се прави европски фронт и дека тој оди рака под рака со партизација тогаш тешко ќе помине кај јавноста. Ако ова е Европа тогаш нешто не е во ред, додава Небиу.
Извор: 24vesti.mk
