Туркије неутрализираше 5 терористи на ПКК/ЈПГ во северозападна Сирија

ИСТАНБУЛ (АА) – Турските безбедносни сили неутрализираа пет терористи на терористичката организација ПКК/ЈПГ во Африн во северозападна Сирија, соопшти турското Министерство за национална одбрана, пренесува Анадолу.

„Продолжуваме силно да реагираме на обидите за напад на терористите на ПКК/ЈПГ, кои имаат за цел да го нарушат мирот и безбедносното опкружување“, соопшти Министерството на платформата Х.

Терористите беа неутрализирани во зоната каде беше реализирана операцијата „Извор на мирот“.

Од 2016 година, Анкара започна три успешни антитерористички операции преку својата граница во северна Сирија за да спречи формирање на терористички коридор и да овозможи мирно враќање на жителите: „Штитот на Еуфрат“ (2016), „Маслинова гранка“ (2018) и „Извор на мирот“ (2019).

Во својата над 35-годишна терористичка кампања против Туркије, ПКК, која е ставена на листата на терористички организации од страна на Туркије, САД и ЕУ, е одговорна за смртта на повеќе од 40.000 луѓе, вклучително и бебиња, деца и жени. ЈПГ е нејзин сириски огранок.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.