реклама
Контроверзниот српски политичар Срѓан Ного од политичката партија Двери, на својот јутјуб канал објави нови фотографии од автомобилот на Панче Жежовски, со кое е извршено киднапирањето на 14-годишната Вања Ѓорчевска. Во видео кое трае повеќе од еден час, Ного тврди дека таткото на Вања е наместен и дека не знаел дека неговата ќерка е убиена се додека не бил спроведен во судот. Воедно вели дека тој прв доставил снимки до МВР од околните камери. За Панче Жежовски вели дека се глупости дека е убиен поради долг од 500 евра, а го поврзува со Палчо, првоосомничениот за убиствата, со копАње на историски артефакти. Тој тврди дека Палевски имал извори во полицијата за тоа до каде е истрагата за двојното убиство. Како што вели, нема одговор за мотивите за убиствата, но тврди дека не се работи за киднапирање, туку класична ликвидација. На сопствениот јутјуб канал Ного објави досега необјавени видео материјали на кои се гледа возилото цитроен, пред зградата на Вања. Објавена е и снимка од последниот ден на Панче Жежовски на бензинска пумпа во Велес. Но, главното прашање е од каде му се снимките од возилото, но и аудио снимките од таткото на Вања, на српски политичар.
реклама
