Израелската Армија: Од 7 октомври ранети се 2.324 израелски офицери и војници

АЛ-КУДС/ЕРУСАЛИМ (АА) – Најмалку 15 израелски војници се повредени во изминатите 24 часа за време на копнените борби во Појасот Газа, соопшти Армијата денес, јавува Анадолу.

„Бројот на ранети офицери и војници од почетокот на војната на 7 октомври се зголеми на 2.324“, соопшти израелската Армија.

Овие бројки не ги вклучуваат војниците кои се рутински евакуирани и оние кои се лекуваат, но не се однесени во болница, се вели во соопштението на Армијата.

Бројот на војници и офицери повредени во копнените борби во Појасот Газа се искачи на 1.020 денес, од 1.006 вчера.

Меѓу повредените во борбите во Појасот Газа, 226 се во тешка состојба, 372 се во умерено тешка состојба, а 422 се здобиле со полесни повреди.

Израелската Армија соопшти дека од 7 октомври, кога почнаа нападите врз Појасот Газа, загинале 509 израелски војници, од кои 175 за време на копнената офанзива.

Според податоците на здравствените власти во Појасот Газа, најмалку 22.600 Палестинци се убиени од 7 октомври, а 57.910 се повредени.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..