КАРС (АА) – Во верижен судир во кој учествуваа два автобуса и камион во Карс во североисточна Туркије, загинаа две лица, а осум се повредени, јавува Анадолу.
По информациите дека два автобуса и камион се судриле кај местото Каракурт на автопатот меѓу Хорасан во Ерзурум и округот Сарикамиш во Карс, на местото на несреќата се пратени голем број медицински и спасувачки екипи.
Според последните податоци, во несреќата загинале две лица, а осум се повредени и пренесени во државната болница во Сарикамиш.
Гувернерот на Карс, Зија Полат, кој го посети местото на несреќата, изјави дека сите повредени се пренесени во болница.
„Моментно имаме две тешко повредени лица“, рече Полат.
Надлежните соопштија дека на подрачјето каде што се случила несреќата имало снег, магла и голомразица.
Извор: www.aa.com.tr
