реклама
Неколку дена по ред Скопје е покриено со магла, а заедно со тоа и загадувањето, и е еден од најзагадените градови во Европа. Чад од оџаците на куќите, од мазутот на институциите и автомобилите. Решение нема, како што немаше ниедна од изминативе зими, но затоа има зборови. Има обвинувања меѓу политичките партии, за општините кои се предводени од едната или другата партија, која е со позагаден воздух, зависно од тоа која партија ја предводи. ВМРО-ДПМНЕ прстот го вперува кон владата.
А според СДСМ, вината е кај градоначалниците кои се од редовите на ВМРО-ДПМНЕ, бидејќи како што вели Богданка Кузевска, во последните 2 години не е исполнето ниедно од ветувањата за почиста животна средина.
реклама
Скопје денеска претпладне беше на 19 место по загаденост на воздухот на листата на платформата “IQ AIR“. Најзагадени градови во светот утрово беа Делхи во Индија, Дака во Бангладеш и Лахор во Пакистан. Во Европа освен Скопје, со просечно ниво на загаденост, на листата се Киев на 24 место и Софија на 37 покажува платформата IQ AIR што го мери квалитетот на воздухот.
реклама
