Сагата „Чебрен“ – 14 неуспешни тендери за 20 години

Беа објавени 13 тендери за 20 години. Се објави и 14-тиот тендер, но и тој е неуспешен. Судбината на изградбата на хидроцентралата „Чебрен“ останува под знак прашалник.

Откако ги разгледале документите од тендерот и законите, министерката за животна средина и просторно планирање ќе ја информира Владата за одлуката за поништување на постапката со грчката компанија.

Сè уште не се знае како ќе заврши оваа две децениска сага на ХЕЦ „Чебрен“, дали повторно ќе се отвори тендер во потрага по фирма што би ја презела со концесија или ќе ја гради државата.

Реагираа од опозициската ВМРО-ДПМНЕ, од каде велат дека тендерот за „Чебрен“ беше неуспешен поради пропустите и недостигот на капацитети или знаења на владата за капитални проекти.

„Алармиравме дека Владата неколку пати ги менувала одлуките поврзани со изградбата на хидроцентралата „Чебрен“, со што создаде сложена ситуација и потенцијално голем проблем во иднина. Тогаш СДС тврдеше дека нападите се малициозни и невистинити. Месец дена подоцна проектот пропадна“, вели ВМРО-ДПМНЕ.

Откако ги објаснија сите грешки кои според ВМРО-ДПМНЕ биле направени во процедурите, од опозициската партија рекоа дека Владата во обид да создаде свој „криминален бизнис“ од 100 милиони евра, уште повеќе се збунила во овој процес .