АНКАРА (АА) – Турската разузнавачка служба (МИТ) денес фати еден од водачите на терористичката ДЕАШ во сирискиот град Алепо, Абдула ал-Џунди, кој планирал напади против турските сили во зоните на операциите „Штитот на Еуфрат“ и „Маслинова гранка“, јавува Анадолу.
Според информациите добиени од безбедносните сили, Ал Џунди, со кодно име Хатаб Ел Мухаџир, е одговорен за планирање напади врз возила на Турските безбедносни сили во Сирија.
Терористот е фатен за време на операцијата спроведена од МИТ и локалните безбедносни сили поврзани со Сириската национална војска (СНВ) во зоната на турската антитерористичка операција „Штитот на Еуфрат“.
Терористот даде информации и за припадниците на организацијата кои вршат терористички активности.
За време на операцијата запленет е и дел од дигиталниот материјал на организацијата, со што се обелоденети плановите за акциите на ДЕАШ и прекинати активностите на организацијата.
Во 2013 година, Туркије стана една од првите земји што ја прогласи ДЕАШ за терористичка организација.
Оттогаш, терористичката организација изврши повеќе напади во Туркије во кои загинаа над 300 луѓе, а стотици беа повредени во најмалку 10 самоубиствени бомбашки напади, седум бомбашки напади и четири вооружени напади. Како одговор на нападите, Туркије започна антитерористички операции во земјата и во странство за да спречи идни напади.
Извор: www.aa.com.tr
