ИСТАНБУЛ (АА) – Десетици илјади луѓе се собраа во Истанбул денес, 1 јануари, за да го одбележат почетокот на новата 2024 година со марш за Газа и да го осудат терористичкиот напад на ПКК од пред неколку недели, во кој загинаа повеќе од десет турски војници во северен Ирак, јавува Анадолу.
Демонстрантите маршираа, извикуваа слогани, држеа транспаренти и вееја палестински знамиња.
Настанот го организира Турската младинска фондација (ТУГВА) и членовите на Националната платформа за волја, која се состои од 308 невладини организации.
Организаторите ги повикаа граѓаните да излезат на мостот Галата, кој се наоѓа на историскиот полуостров во Истанбул.
Израел започна воздушни и копнени напади врз Појасот Газа како одмазда за нападот на Хамас на 7 октомври, при што според здравствените власти во енклавата загинати се најмалку 21.822 Палестинци, главно деца и жени, а ранети се 56.451.
Израелските власти тврдат дека околу 1.200 Израелци се загинати во нападите на Хамас.
Израелските напади ја оставија Газа во урнатини, 60 отсто од нејзината инфраструктура е оштетена или уништена, а речиси два милиони жители се раселени, постои и акутен недостиг на храна, чиста вода и лекови.
Извор: www.aa.com.tr
