Ова е филм кој вреди да се погледне.
Скопје 2020 е краток филм кој на публиката прв пат и беше претставен во 2019 година. Режијата е на Радован Раша Петровиќ, а продуцент е Роберт Насков.
Во него е прикажан животот на едно семејство за време на периодот кога Скопје бележи високо ниво на аерозагадување. Семејството се бори со одлуката, дали да се исели или да остане во својот град.
Во „Скопје 2020“ играат Верица Недевска, Зоран Љутков, Ториан Азгур, Анастасија Аневска, Катерина Коцевска, Стефанија Митовска, Петар Стојанов, Љубиша Гавровски, Дејан Ристовски, Ивана Петровиќ.
Филмот беше прикажан на фестивалот „Браќа Манаки” во 2019 година, каде ја освои првата награда од публиката. Освен тоа, филмот беше прикажан и на повеќе фестивали во земјата и странство.
ИЗВОР: skopjeinfo.mk
