Во текот на вчерашниот ден, Собранието на Република Северна Македонија го усвои Буџетот за 2024 година.
Според податоците на О2 Иницијативата, од вкупно €6.32 милијарди, на заштита на животна средина се планирани само 0. 83%, од кои за конкретно намалување на аерозагадувањето, одвоени се 0 денари. Според проценката на оваа иницијатива, како и податоците на Државниот Завод за статистика, годишно се собираат околу 230 милони евра од даноците за животна средина, а притоа не се одвоени средства за намалување на аерозагадувањето.
Од буџетот за следната година, за Министерството за животна средина и просторно планирање се одвоени 43 милиони евра, од кои од основниот буџет 1 се одвоени само €10М за конкретни проекти, главно за водовод и канализација.
Од О2 иницијатива со загриженост посочуваат дека ако со ова темпо ги решаваме проблемите кои им се битни на граѓаните, нема кој да остане да работи во земјава, а тие што ќе останат ќе си умираат прерано.
ИЗВОР: skopjeinfo.mk
