Министерката за култура Бисера Костадиновска-Стојчевска и денес, како и честопати досега, апелираше до претседателот на Комисијата за култура во Собранието Кастриот Реџепи да закаже седница, за Предлог-законот за македонски јазик да се стави на дневен ред, да оди на амандманска расправа и да се изгласа.
На денешниот брифинг со медиумите, министерката повтори дека со законот ќе стане задолжително присуството на лектор во секоја јавна институција. Нема повеќе да излегуваат текстови во јавност кои не се лекторирани, а втора најголема придобивка со законот е основањето на Инспекторатот за македонски јазик.
„Од овој закон ќе произлезат одредени измени во Законот за основно, средно и високо образование. Со овој закон ќе продолжи стипендирање на студентите, ќе се даде поголема поддршка за македонската литература, како и за Институтот за македонски јазик. Инаку, Законот за македонски јазик не е променет уште од 1998“, додаде министерката.
Б. НЕСТОРОСКА
ИЗВОР: sdk.mk
