ИСТАНБУЛ (АА) – Четири лица загинаа во нападите на руските сили во различни региони на Украина, изјави денес официјален претставник, додавајќи дека украинските сили собориле и 14 дронови, пренесува Анадолу.
Олександр Прокудин, гувернерот на јужниот украински регион Херсон, преку Телеграм соопшти дека четири лица загинале, а девет се повредени за време на гранатирањето во текот на ноќта во тој украински регион.
„Руската војска ги гаѓаше станбените квартови во населените области во регионот, медицинските установи, една образовна институција и објектите на клучната инфраструктура во Херсон“, рече тој.
Преку друго соопштение, украинската војска објави дека соборила 14 руски беспилотни летала во нападите на повеќе региони во земјата.
„Ноќта кон 24 декември 2023 година, руските окупатори започнаа напади со 15 беспилотни летала од типот „Шахед“ од регионот Приморско-Ахтарск“, соопштија Украинските воздухопловни сили.
Според соопштението, 14 дрона користени за време на нападите биле соборени во регионите на Миколаив, Кировохрад, Запорожје, Дњепропетровск и Хмелницки, со системите за противвоздушна одбрана.
Руските власти се немаат огласено во врска со нападите, а независната проверка на тврдењата на Украина е тешка поради воените услови.
Извор: www.aa.com.tr
