ИСТАНБУЛ (АА) – Турскиот министер за национална одбрана, Јашар Ѓулер, денес соопшти дека од 1-ви јануари до денес неутрализирани се над 2.150 терористи, јавува Анадолу.
„Вкупниот број на неутрализирани терористи од почетокот на годината достигна 2.156“, им рече Ѓулер на турските пилоти кои спроведоа воздушни напади вчера во северен Ирак и Сирија за елиминирање на терористите.
„Ниту еден предавнички член на која било терористичка организација не може да побегне од рацете на нашите херојски војници“, рече Ѓулер.
Неговата изјава дојде откако 12 турски војници загинаа, а шестмина се повредени од терористите на ПКК во северен Ирак.
„Операциите ќе продолжат со непопустлив офанзивен пристап сè додека крвавите терористи не исчезнат од овие простори без оглед на тоа кој ги поддржува, среде ескалацијата на насилството и притисокот“, нагласи Ѓулер.
Во својата над 35-годишна терористичка кампања против Туркије, ПКК – која е ставена на листата на терористички организации од страна на Туркије, САД и ЕУ – е одговорна за смртта на повеќе од 40.000 луѓе, меѓу кои и деца и жени. ЈПГ е сириски огранок на ПКК.
Извор: www.aa.com.tr
