Ердоган: Туркије никогаш нема да дозволи терористички структури во северен Ирак и Сирија

ИСТАНБУЛ (АА) – Туркије ќе спречи појава на „терористичка структура“ долж нејзината јужна граница, повтори денес турскиот претседател Реџеп Таип Ердоган, јавува Анадолу.

„Која и да е цената, Туркије нема да дозволи присуство на терористичка организација во северен Ирак или северна Сирија“, рече Ердоган на настан во метрополата Истанбул.

Неговите изјави уследија откако шест турски војници загинаа, а еден беше ранет во напад на терористите вчера (петок) во близина на северната ирачка граница.

Терористите на ПКК често се кријат преку турската граница во северен Ирак каде планираат терористички напади во Туркије.

Изразувајќи го своето сочувство за загинувањето на војниците, Ердоган соопшти дека од нападот, 12 терористи се неутрализирани во зоната на турската операција во северен Ирак, како и во северна Сирија.

„Во зоната на операцијата „Канџа“ и во северна Сирија досега се неутрализирани вкупно 12 терористи“, рече Ердоган.

Во својата над 35-годишна терористичка кампања против Туркије, ПКК – која е ставена на листата на терористички организации од Туркије, САД и ЕУ – е одговорна за смртта на повеќе од 40.000 луѓе, меѓу кои и деца и жени. ЈПГ е сириски огранок на ПКК.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS).