Невиден сообраќајен колапс му се случи вчера на Скопје. Како причини се посочија дождот, неработењето на семафорите на неколку раскрници во градот како и стопирањето на сообраќајот за да помине по некоја делегација.
Сите овие фактори придонесоа вчера да имаме нервозни возачи, караници на скопски улици, и заглавени скопјани како стојат со своите автомобили речиси и по саат време откако тргнале да си заминат накај дома. Речиси да немаше булевар, раскрсница и семафор каде колоните возила не стоеја во место.
Се огласија од МВР за настанатата хаварија во главниот град. Оттаму велат дека според Законот за безбедност на сообраќајот на патиштата „Надлежен орган за управување и контрола на семафорите и сообраќајот на крстосниците на подрачјето на град Скопје е град Скопје преку Центарот за управување и контрола на сообраќајот (ЦУКС).
– “Бидејќи попладнево настана сообраќаен метеж, (на што објективно влијаеја и неколку полесни сообраќајни незгоди, но и зголемената употреба на возила од страна на граѓаните поради временските услови), а врз основа на член 5 од ЗБСП, СВР Скопје -Единица за безбедност на сообраќајот на патиштата – Одделение за безбедност на патниот сообраќај постапи со цел да се овозможи поголема проточност на сообраќајот и очекувамр метежот наскоро да биде расчистен“, соопштија од МВР.
Во меѓувреме се огласија и од Град Скопје каде секако и од таму одбиваат да превземат било каква одговорност. Се што имаа да кажат беше околу доцнењето на јавниот сообраќај.
– “Се регистрираат доцнења, во разумни интервали, кои се должат на надворешни фактори (пренасочен сообраќај поради согласности на времени режими издадени од СВР за градежни работи, сообраќајни незгоди на редовна траса, исклучена светлосна сигнализација за поминување на делегации и слично) кои влијаат на застој/забавување не само на одвивањето на јавниот превоз, туку на целокупниот сообраќај“ соопштија од Град Скопје
И додека инстутциите задолжени за грижа на Скопје и скопјани си ја префрлаат вината најмногу страдаат граѓаните на главниот град.
ИЗВОР: skopjeinfo.mk
