реклама
Министерот за внатрешни работи Оливер Спасовски вели дека се уште нема најави за екстрадиција на Љупчо Палевски кој е првоосомничениот за убиството на 14-годишната Вања. Сепак Спасовски тврди дека се презема се што е потребно за тој да биде испорачан на македонските власти.
„Немаме се уште информации, за тоа може подетално министерот за правда да има такви информации. Сме во постојана комуникација, ги преземаат сите активности за тоа да заврши што е можно побрзо“, порача Оливер Спасовски.
реклама
Од Министерството за правда велат дека се уште нема најава за негова екстрадиција и дека постои комуникација со турските власти за се што треба.
„Се што е побарано од нас од Турција ние им доставуваме, може да се бара од нас дополнителни документи и ние ќе постапиме по барањето. Во моментов нови барања нема. Целата постапка може да трае со месеци, бидејќи такви се процедурите на турските власти“, вели Министерството за правда.
реклама
Во однос на истрагата Спасовски и натаму не открива детали за преземените дејства. За обвинувањата од опозицијата дека полицијата не постапувала соодветно тој рече дека не е точно дека полицијата не постапила од 24 ноември за да го бара украденото возило на убиениот Жежовски со кое беше киднапирана Вања. Спасовски ги отфрли сите шпекулации и рече дека сите одговори ќе ги даде крајот на истрагата.
„Шпекулациите кои што ги шират во јавност, било кој да е тоа, не одговараат со вистината и не помагаат, туку напротив одмагаат на целиот тој процес. Ги дадов сите одговори и во детали истрагата ќе ги открие сите тие прашања кои што сега ги имаме, траектории на движење и така натаму“, вели Оливер Спасовски.
реклама
Случајот со двојното убиство на Вања и велешанецот Жежовски, е во Јавното Обвинителство. Оттаму деновиве информираа дека се уште се прибираат докази како и тоа дека извештајот од Институтот за судска медицина за обдукцијата на Вања се уште не е доставен до Обвинителството.
реклама
