БУДИМПЕШТА (АА) – Претседателот на Туркије, Реџеп Таип Ердоган, пристигна во официјална посета на Унгарија, а во Будимпешта со највисоки почести го пречека унгарската претседателка Каталин Новак, јавува Анадолу.
На плоштадот „Херои“ турскиот претседател на унгарски ја поздрави гардата, при што беа интонирани химните на двете земји.
Двајцата претседатели ги поздравија делегациите на Туркије и Унгарија.
На церемонијата беа присутни турската министерка за семејство и социјални услуги, Махунир Оздемир Ѓокташ; министерот за надворешни работи, Хакан Фидан; министерот за внатрешни работи, Али Јерликаја; министерот за култура и туризам, Мехмет Нури Ерсој; министерот за национална одбрана, Јашар Ѓулер; шефот на Одделот за комуникации при турското Претседателство, Фахретин Алтун; главниот советник на претседателот, Акиф Чагатај Килич; и амбасадорката на Туркије во Будимпешта, Ѓулшен Каранис Екшиоглу.
По пречекот, Ердоган и Новак преминаа на средба во палатата „Сандор“.
Извор: www.aa.com.tr
