ВМРО-ДПМНЕ: Ако Спасовски се согласува со Агелер, тогаш да си поднесе оставка, зошто од 10 години за кои зборува таа тој е министер скоро 9

Од ВМРО-ДПМНЕ го повикуваат министерот за внатрешни работи Оливер Спасовски „да се разбуди или да се отрезни“.

„Трагедија е сама по себе неговава изјава дека се согласува со Агелер дека неказнивоста на криминалците е голем проблем на државата.

Ако се согласува со Агелер нека си поднесе оставка, зашто од 10-те години за кои збори Агелер тој е министер за внатрешни скоро 9 години.

До толку е забеган што не сфаќа дека согласувањето е и признание за сопственото промашување и невршење за својата обврска за што мора да сноси одговорност.

За овие случаи, народот вели ем шуто ем боде“, порачаа од ВМРО-ДПМНЕ.