Министрите на двете земји, Дејвид Камерон и Аналена Баербок во текстот истакнаа дека не мислат дека „повикувањето сега на општ и итен прекин на огнот, со надеж дека тој на еден или друг начин ќе стане траен, е патот што треба да се оди“
Обединетото Кралство и Германија во заеднички текст во заеднички текст напишаа дека потребно е да се направи се што е возможно за да се отвори патот кон траен прекин на огнот, со што би дошло и до траен мир во регионот, а најдобро би било тоа да се случи итно и што е можно поскоро. Во текстот се нагласува дека се убиени премногу голем број на цивили, а британската влада преку вицепремиерот Оливер Дауден го повика Израел на воздржаност.
„Израел се соочува со многу тешка ситуација … Ако го нападнете непријателот кој буквално се крие под болниците, среде цивилното население, тоа ќе предизвика голем број цивилни жртви. Ние велиме, во својство на британската влада, дека Израел мора да покаже воздржаност“,
рече Дауден.
Во текстот се нотира дека Израел имал право да се брани по терористичкиот напад на Хамас и дека припадниците на групата секојдневно продолжува да истрелува ракети за да убива израелски цивили и дека Хамас итно мора да го остави оружјето.
Инаку, според информациите, денеска пет Палестинци го загубиле животот во окупираниот Западен Брег откако израелската армија во рација на бегалски камп отворила оган. Израелската војска соопшти дека извршила воздушни напади „против повеќе вооружени терористички групи кои пукале, фрлале експлозиви и ги ставиле во опасност војниците“.
Извор: 360stepeni.mk
