реклама
Општина Тетово ќе даде градежно земјиште, поточно стариот стадион на градот, за изградба на нов стадион. Градоначалникот Биљал Касами вели дека за да се обезбедат финансиски средства стариот стадион по редовни процедури ќе биде ставен на продажба.
„Секако дека начинот на плаќање ќе биде изнаоѓање можности со градежно земјиште. Градежното земјиште што е во рамките на општина Тетово, макар и со соодветна процедура, ќе биде ставено на продажба и секоја фирма, секој граѓанин ќе може да се пријави. Преку тоа ќе можеме да избришеме една обврска за инфраструктурен објект кој е важен за Тетово“, порача Биљал Касами.
реклама
Пред еден месец идејата на Касами беше поинаква. Тој рече дека стадионот ќе се гради од буџетот на општина Тетово, поточно од парите на тетовските даночни обврзници.
„Со парите на општината. Претпријатието е на општината и општината како основач ќе обезбеди средства за финансирање на овој проект. Од приходите на општината, од исплатите на граѓаните и сите други приходи што ќе ги обезбедиме при реализацијата на овој проект“, вели Биљал Касами.
реклама
Изградбата на стадионот ќе чини околу 10 милиони евра, додека тендерот е веќе во тек. Градоначалникот Биљал Касами вели дека помошните стадиони ќе бидат еден во село Сараќино и еден во спортскиот центар.
реклама
