ТЕХЕРАН (АА) – Лицето осудено за шпионирање за израелската разузнавачка агенција Мосад егзекутирано е вчера во иранската југоисточна провинција Систан и Белуџистан, пренесува Анадолу.
Новинската агенција Мизан, поврзана со иранското судство, објави дека лицето е обвинето за врски со странски разузнавачки агенции, вклучувајќи го и Мосад, без притоа да го открие неговиот идентитет.
Во објавата се наведува дека лицето „свесно собирало доверливи информации додека комуницирало со странски агенции“ и тие документи им ги доставувал на разузнавачки агенции, вклучувајќи го и израелски Мосад.
„Обвинет е за разузнавачка соработка и шпионирање во корист на непријателскиот ционистички режим, собирање доверливи информации и давање информации директно на службеник на разузнавачката агенција Мосад, со цел нарушување на јавниот ред“, се вели во веста што ја објави новинската агенција Мизан.
По приведувањето, судено му е во револуционерниот суд во Захедан, главниот град на иранската провинција Систан и Белуџистан, кој го осуди на смрт.
Подоцна пресудата ја потврди и Врховниот суд на Иран, а жалбата на осуденикот за амнестија е одбиена.
Идентитетот на лицето и неговата националност не се објавени. Во минатото голем број Иранци и двојни државјани се егзекутирани, воглавно под обвинение за шпионирање за странски разузнавачки агенции.
Извор: www.aa.com.tr
