На иницијатива на учениците од ООУ „Димитар Македонски“, вчера во ова училиште се одржа хуманитарен и забавен настан за поддршка на Ангел Христовски, кој треба да замине на третман во Кина.
На настанот присуствуваше и градоначалникот на општината Тимчо Муцунски.
– Овие денови, особено сум горд на иницијативата на учениците од ООУ „Димитар Македонски“, кои организираа хуманитарен музички и забавен настан посветен на нивниот соученик Ангел Христовски. На настанот кој се одржа во просториите на училиштето, наставниците, учениците и родителите, имаа можност да купат рачни изработки од останатите ученици, да донираат средства во кутиите за донација, како и преку видео-врска да испратат директни пораки за поддршка за нивниот соученик Ангел.Собраните средства од настанот ќе бидат искористени за финансирање на неговиот третман за вродена мускулна дистрофија во Кина, порача Муцунски.
И градоначалникот и одговорните од ова скопско училиште упатија апел до сите сограѓани кои се во можност да донират на следните броеви:
Телеком: 143-138
А1: 143-401
Жиро сметка: 210700000681076
ИЗВОР: skopjeinfo.mk
