ТВ21 во Брисел – Самит на ЕУ за Западен Балкан

Самит на Европската унија посветен на земјите од Западен Балкан од денеска во следните три дена се одржува во Брисел.

Македонија не ги направи уставните измени и поради се поизвесно е дека нема да напредува, но каков ќе биде случајот со останатите земји?

„Чувството тука е исто кога деца пред Божиќ чекаат податоци, но не знаат што ќе добијат. Во таква ситуација се наоѓаат шест земјите од Западен Балкан. Ова се коментарите од тука во Брисел, каде денешниот самит е можност да се потврди перспективата за членство во ЕУ на Западен Балкан.

ЕУ е цврсто убедена дека сака да ги прими шесте земји од Западен Балкан, но прашање е кога. Со оглед на тоа што процедурата се развлече, Брисел сега со финансиска помош се труди да спречи свртување на овие држави кон Кина и Русија.

Ова се случува часови, пред утрешниот клучен самит на врвот на ЕУ на кој лидерите ќе разговараат и за политиката на проширување, за Македонија, камен на сопнување на тој пат остануваат неспроведените уставни измени. Се поставува и прашањето дали Албанија би можела да продолжи сама без Македонија кон евроинтеграциите.

Тоа можеби е прашањето за кое сите очекуваат одговор. Грчката новинска агенција АНА-МПА повикувајќи се на дипломатски извори од Брисел, вчера објави дека „Грција нема да се согласи да се премине кон следната фаза од преговорите за присоединување на Албанија во ЕУ, доколку нема напредок по прашањето за избраниот градоначалник на општината Химара, Фреди Белери“.

Да потсетиме дека токму Блери е припадник на грчкото малцинство во Албанија и во мај годинава беше избран за градоначалник на приморското туристичко гратче Химара, каде доминантно живеат албански Грци. Тој беше уапсен под обвинение за купување гласови, што тој го негираше. И покрај изборната волја на гласачите, не му беше дозволено да положи заклетва.

За крај уште да кажам дека македонската делегација ја предводи премиерот Димитар Ковачевски, а се очекува и билатернална средба со Европскиот комесар за проширување Оливер Вархели“, вели репортерот на ТВ21.