реклама
Енормно зголемување на бројот на корисници на брзи кредити. Ако во 2018 година имало 101.949 одобрени кредити, во 2022 година вкупниот број се зголемил за 178%. Бројката достигнала 284.076 одобрени кредити, покажува анализата на Институтот за демократија и економски анализи. Директорот Омер Ајдини вели дека за време на пандемијата има намалување од 18%, бидејќи слабата економија ги наведува граѓаните не само на брзи кредити, туку и на обложување, а како што додаде, тогаш не можеле да се обложуваат.
„ Од 2020 до 2021 година имаме релативно висок раст затоа што луѓето можеа да излезат, можеби да излезат или да играат во обложувалници или казина и така натаму, и да имаат пристап до брзи кредити. Така, се чини, иако не е 100% докажано дека постои позитивна врска помеѓу индустријата за коцкање и индустријата за брзи заеми“, вели Омер Ајдини.
реклама
Ајдини предлага институциите да преземат чекори за ублажување на економската криза и да се регулира коцкарската индустрија за да не бидат изложени граѓаните.
„Уште еднаш, износот или „стапката“ на нормална камата во државата треба да се ограничи на максимум, ова е првото. Второ е да се воспостават многу повеќе контроли во финансиските друштва, односно да се знае кои се сопствениците, да се знае од каде е капиталот на овие финансиски друштва, бидејќи над 130 милиони евра кредити се показател за индустрија и многу моќни луѓе кои стојат зад овие финансиски друштва“, вели Омер Ајдини.
реклама
Инаку, според институтот ИДЕА, зголемувањето на бројот на брзи кредити во последните 6 месеци се должи на зимските трошоци за греење и храна.
реклама
