Загрижувачки бројки за пушењето кај малолетниците – 12,4 на младите од 13 до 15 години пушат цигари

12,4% од младите на возраст од 13 до 15 години пушат цигари, покажува последното истражување на „Аналитика“, а според Тамара Мијовиќ Спасова тоа е сериозна бројка но и предизвик бидејќи 30% од младите почнуваат да пушат пред 14 годишна возраст.

Важен фактор за овие млади да почнат да пушат е ставот на семејството и пријателите со кои се дружат, бидејќи навиката да пушат ја сфаќаат како нешто нормално и цигарите се секогаш блиску до нив.

Проценките покажуваат дека доколку акцизата на цигарите се зголеми за 30%, ќе може да се спасат 2400 животи на годишно ниво.

Меѓу мерките кои се предлагаат за намалувањето на пушењето е забрана на пушење во затворени простории. Беше предложено и да се води кампања во училиштата и пошироко за штетите предизвикани од пушењето.

Податоците од Министерството за здравство покажуваат дека 45,5% на граѓаните на РСМ се пушачи, за разлика од земјите од регионот каде е околу 25%.