КУДС (АА) – Израелската армија објави дека истрелала повеќе од 100.000 артилериски гранати од денот кога ја почнала копнената операција во Појасот Газа, пренесува Анадолу.
Во соопштението на израелската армија се наведува дека над 100.000 артилериски гранати биле истрелани во Појасот Газа од почетокот на копнената операција против Појасот Газа на 31 октомври.
Се наведува дека израелските артилериски единици „играле важна улога“ во судирите од првиот ден од нападот на Појасот Газа и „ги елиминирале заканите за копнените трупи и им дозволиле да напредуваат“.
Израелската армија сподели и снимка од артилериските единици што истрелуваат голем број гранати.
Израел во петокот ја продолжи својата воена офанзива врз Појасот Газа откако стави крај на еднонеделното хуманитарно примирје со Хамас.
