реклама
Претседателот на Собранието Талат Џафери денеска изрази сочувство до семејството на 14-годишната Вања и порача надлежните органи да го расветлат случајот до крај.
– Разумот, одговорноста кон кажаниот збор и воздржувањето од ширење на дезинформации мора да преовладува во сечие секојдневие. Изолирани криминални случаи не смеат да се користат за дневна политика, ниту да се поистоветуваат со целокупното општество, напиша попладнево Џафери на Фејсбук.
реклама
Четиринаесетгодишната Вања Ѓорчевска беше пријавена за исчезната на 27 ноември 2023 година, а по преземени мерки и активности од страна на полициски службеници од СВР Скопје вчера нејзиното тело беше пронајдено во околината на Скопје.
Во ООУ „Јохан Хајнрих – Песталоци“ денеска беше отворена книга на жалост за прерано згаснатиот живот на 14-годишната Вања Ѓорчевска.
реклама
