Разговор со словенечкиот писател Рок Вилчник и промоција на неговото творештво ќе се одржи денеска во литературно кафе „Метаноја“ во Скопје. Промотор на настанот ќе биде д-р Коста Милков.
Стихови во превод на македонски јазик на Теодора Кркачева и Влајко Марјановиќ ќе интерпретира Винсент Вилчник. Истовремено, настанот ќе биде збогатен и со краток музички репертоар во изведба на Ребека Влаисављевиќ.
Мултимедијалниот уметник Рок Вилчник – рокгре, е еден од најзначајните словенечки современи драматурзи. Се занимавал со ликовна уметност, има објавено четири стихозбирки, четири романи, повеќе од 35 драмски текстови и учествувал во проекти на многу словенечки театри. Драмските текстови на Вилчник биле девет пати номинирани за Грумовата награда; три пати ја добил Грумовата награда, за драмите „Тоа“ (2000), „Ѓубре на месечината“ (2008) и „Народен демократски циркус Сакешвили“ (2016).
Промоцијата е финансиски поддржана од Јавната агенција за книга на Република Словенија и Европската фондација за регионални развој
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
ИЗВОР: republika.mk
