реклама
На бизнисот и на економијата им се потребни квалитетите на жената, нивните просветлени мисли, оптимистичкиот дух, темпераментот и волјата, издржливоста за правда и апетитот за развој што жените ги носат со себе, порача вицепремиерот за економски прашања Фатмир Битиќи на Третиот годишен самит на Националната платформа за женско претприемништво со тема „Жените во претприемништвото – клуч за зајакнување на економијата“.
Овој самит го организираше Здружението на деловни жени во партнерство со Фондацијата за менаџмент и индустриски истражувања и Сојузот на стопански комори на Македонија. Дискутираа претставници на институции, организации и жени претприемачи.
реклама
„ЕУ ги повикува сите влади, вклучително и оние како идни членки, да обезбедат еднакви права за жените и пристап до економските ресурси“, вече Бен Напнау, заменик шеф на делегацијата на ЕУ во Скопје.
Меѓу многуте жени претприемачи, на овој прв ден од самитот говореше и генералната директорка на 21МЕДИА, Афердита Сарачини-Келменди. Во својот говор таа се фокусираше на тоа како жените можат да допрат до себе за да можат да бидат охрабрени да водат бизнис и да се поврзат. Зборувајќи за своето патешествие како директор на две телевизии, во Косово и во Северна Македонија, таа рече дека почетоците не биле воопшто лесни, но додаде дека мотото што ја води во нејзината работа е да се размислува за големи работи, ако сакате да станете големи.
реклама
На самитот меѓу другото беше кажано дека платите на жените во земјава се за 17,5% пониски од платите на мажите. Нивните бизниси се застапени со само 30% и не е искористен потенцијалот со кој што можат да ја подобрат состојбата во економијата.
реклама
