реклама
Со треперење на гласот, раскажувајќи ги маките по кои поминал тој и неговото семејство, екс генералниот секретар на Владата, Мухамед Зекири, побара ослободување од судот бидејќи, како што рече, не е виновен за делото за кое се товари.
Обвинителството за борба против организиран криминал и корупција го обвинува Зекири дека во периодот од април 2021 до јануари 2022 година, како генерален секретар на Владата, без јавна набавка, склучувал договори за консултантски услуги. Обвинителката Катерина Коларевиќ, откако го прочита целото обвинение, раскажувајќи како е разработен целиот процес на склучување договори без тендер, за АД Пошта и МЖ Транспорт, во износ од околу 940 илјади евра и 422 илјади евра, побара од судот од обвинетиот да се одземе имот во вредност од направената штета.
реклама
Адвокатите на Зекири пред судското тело изјавија дека не е нанесена штета на буџетот и дека тоа не се ни споменува во обвинението на обвинителството, па затоа рекоа дека нивниот клиент треба да биде ослободен од обвиненијата бидејќи нема докази.
Оваа седница беше за завршни зборови за овој предмет. Следниот петок Кривичниот суд ќе ја соопшти пресудата за поранешниот генерален секретар на владата. Судењето за Зекири почна од почеток откако, според измените на Кривичниот законик, предметот во кој тој се обвинува за „злоупотреба на службената должност“ е преквалификуван. Според член 353, Зекири се гонел по став 5 од овој член со кој е предвидена казна затвор од најмалку 5 години, додека овој став е избришан и сега ќе се гони по член 4 кој предвидува затворска казна од 1 до 5 години.
реклама
реклама
