реклама
Премиерот Димитар Ковачевски најавува средба со политичките партии во Собранието на која би се разговарало за сите детали за одржување заеднички избори во мај следната година. Според премиерот, има доволно простор во еден мандат да се одржат два избора, претседателски и парламентарни. Ковачевски најавува и промена на изборниот законик.
Министерот за надворешни работи, Бујар Османи истакна дека изборите треба да се одржат заедно со цел администрацијата да не се ангажира три пати за избори. Според Османи, организирањето на изборите не е лесна работа и има трошоци.
реклама
„Од логистички и финансиски причини, како и да не заморуваат луѓето премногу, сметаме дека е попрактично да бидат заедно. Сега треба да ја задолжите администрацијата, да ја ангажирате во изборните комисии и двапати, или ако има два циклуса, два изборни круга, три пати паѓа на администрацијата да се појави на избори. Ги терате луѓето да гласаат три пати. Не е лесна работа, трошоци..“, вели Бујар Османи.
За техничкиот премиер, кого ќе го предложи ДУИ, Османи вели дека веќе почнале да анализираат одредени имиња, но без да прецизира кој е во игра.
реклама
Првиот вицепремиер Артан Груби вчера истакна дека изборите ќе се одржат во мај. Според него, техничката Влада треба да почне да функционира некаде кон крајот на јануари.
„Се очекува техничката влада согласно договорот меѓу политичките партии да се реализира некаде на крајот на јануари. Не ме земајте за збор за зададениот датум. Има доволно простор на почетокот на мај да се одржат претседателските и парламентарните избори заедно, односно во вториот круг од претседателските избори“, вели Артан Груби.
реклама
Опозициските партии, ВМРО-ДПМНЕ и албанскиот опозициски фронт, континуирано повикуваат на заеднички избори. Причината за тоа е што меѓу два пара избори има многу краток временски рок од само еден и пол месец.
реклама
