реклама
-Се наоѓаме во Рим, во италијанската престолнина, каде фудбалската репрезентација на Македонија в петок ќе се соочи со Италија. Селекторот Боби Милевски пристигна со сите фудбалери, но од друга страна италијанскиот тренер Спалети има проблем во одбраната бидејќи во последен момент е повреден Алесандро Бастони“, вели репортерот на ТВ21, Артан Нухиу.
Македонија стана голем проблем за селекцијата на Италија. „Аѕурите“ никако да победат против Барди и дружината. Во последните два меча меѓу овие две репрезентации, Македонија еднаш ја победи Италија на мечот во Палермо, во баражот за пласман на СП и еднаш одигра реми во Скопје во овие квалификации за ЕП. Сега повторно истото соочување, но мечот се игра во главниот град на Италија, на стадионот „Олимпико“ во Рим.
Фудбалерите на Македонија ќе го завршат европскиот циклус за квалификации без шанси да обезбедат место на ЕУРО2024, бидејќи освоија 7 поени од 6 натпревари и се на претпоследното место во групата Ц. Црвено-жолтите овие квалификации ќе ги затворат со дуелот против Англија.
Од Рим за ТВ21, Артан Нухиу
реклама
реклама
