реклама
Во Белград започна вториот саем на вино, храна и туризам Wine Vision како дел од иницијативата Отворен Балкан. Саемот ќе биде отворен за пошироката јавност од петок 17-ти до недела 19 – ти ноември 2023.
Оваа година на саемот ќе учествуваат над 600 изложувачи од повеќе винарии од над 28 земји. Половината од нив се од земјите членки на Отворен Балкан, односно 260 од Србија, 74 од РСМ и 21 од Албанија.
Првиот ден од Саемот ексклузивно е посветен на професионалните посетители и средби, а досега се планирани над 3 илјади средби преку порталот на Саемот каде професионалните посетители и купувачи ќе отворат нови бизнис можности за сите производители на вино во регионот. Овие средби се можност за развој кој ќе помогне за зголемување на извозот и рекламирање на вината.
Во рамки на неговата посета во Белград, на 17 ноември, премиерот Ковачевски ќе оствари средба со премиерката на Србија, Ана Брнабиќ, а ќе биде потпишан и меморандум за соработка за изградба на брз железница од Ниш до Скопје, меѓи Министерствата за транспорт и врски на РСМ и Министерството за градење, сообраќај и инфраструктура на Р. Србија, за која двете земји заедно ќе побараат фондови од ЕУ. Исто така под покровителство на Владата и во организација на премиерот Ковачевски ќе се одржи манифестацијата македонска вечер во чии рамки ќе има дегустација на наши традиционални вина и храна.
реклама
реклама
