реклама
Владејачката СДСМ не планира да го смени својот став за изборите. Како што велат од таму, нивниот став е принципиелен и познат, а тоа е дека на пролет прово ќе се случат претседателски, а потоа парламентарни избори и сето тоа во законскиот рок.
За потсетување, претседателот на Собранието, им даде рок на политичките партии до Нова година да го договорат датумот за избори. Како што изјави Џафери, негова уставна и законска обврска е да ги почитува роковите.
реклама
На прашањето како ја коментира најавата на првиот човек на Собранието, Талат Џафери дека ќе ги распише изборите, доколку не се договорат партиите, Каевски со одговор.
Од ВМРО-ДПМНЕ се на ставот дека нема никаква логика да се трошат пари за изборите да се одржат одвоени кои ќе ја чинат држава дупло повеќе отколку тие да се одржат во еден термин. Сепак, ќе бидат дел од работните групи.
реклама
Здружената албанска опозиција, пак, односно Европскиот сојуз за промени составен од Демократско движење, БЕСА и Алтернатива, побараа оставки и брзи двојни избори. Нивното барање, како што велат, се темели на лошиот извештај на ЕК за напредокот на Македонија.
Од Европски сојуз за промени велат дека доколку нивните барања не се земаат предвид, ќе ја преиспитаат нивната поддршка за уставните измени во овој мандат на Собранието. Не се исклучува ниту целосното замрзнување на поддршката додека не се промени власта.
реклама
