реклама
Министерот за здравство Фатмир Меџити го повикува обвинителството да излезе со конкретни имиња и презимиња за скандалот со онкологијата. Ветува дека работите ќе се подобрат, притоа нагласувајќи дека повеќе би сакал да биде лекар отколку политичар со вратоврска.
„Уште еднаш апелирам за Онкологија, време е Обвинителството да излезе со конкретно име и презиме, затоа што овој костум што го гледате денес на мене, оваа вратоврска ме гуши, денес се чувствувам подобро овде и имам емоции. Дозволете ми да ви кажам дека белиот мантил ми одговара и уште од првиот ден ви кажав дека не преферирам да бидам политичар, од ниту една партија, туку ќе бидам доктор и ќе останам таков и со моите колеги кој заедно ќе ги подобри работите со вас“, вели Фатмир Меџити.
реклама
Во врска со јавното барање на министерот да се излезе со имињата и презимињата на осомничените, побаравме од Основното обвинителство од каде апелираа политичарите да се воздржат и да не профитираат од овој чувствителен случај за политички цели.
„Јавното обвинителство води предистражна постапка и не постапува по барања на други лица. Информации се споделуваат единствено во обем кој нема да наштети на постапката. Јавните обвинители работат темелно и одговорно, почитувајќи ги сите законски рокови. Јавното обвинителство апелира политичарите да се воздржат од употреба на овој чувствителен предмет во политички цели“, велат од ОЈО.
реклама
Освен предистражната постапка на Обвинителството, за скандалот на Онкологија минатата недела заврши сослушувањето на сведоците од Собраниската анкетна комисија. Главниот обвинител Љубомир Јовески соопшти дека случајот се разгледува темелно и дека вистината ќе излезе на виделина, но поради истрагата, при исказот пред пратениците, не откри детали.
реклама
