МОН: изработени се новите наставни програми за седмо одделение, навремено ќе започне постапката за нови учебници што ќе се користат од следниот септември

Новите наставни програми за седмо одделение, чија примена согласно планот за реформирање на основното образование ќе започне од учебната 2024-2025 година, се веќе изработени. Бирото за развој на образованието како институција под чија надлежност е овој процес, навремено постапи и го испочитува рокот за исполнување на обврската кој го договорија МОН и БРО.

Ова подразбира и навремено започнување на постапката за изработка на нови учебници. Наставните програми се доставени до Министерството за образование и наука, така што наскоро Педагошката служба ќе објави повици за автори и за избор на рецензенти. Се очекува процесот на избор на учебници за седмо одделение, графичко уредување и испорака, целосно да заврши пред следниот септември и учениците на првиот училишен ден, пред себе да ги имаат сите учебници.

Изработката на учебници е комплексен процес чие времетраење зависи од низа фактори, меѓу кои, на одреден дел, институциите немаат влијание. Сепак, со навременото доставување на наставните програми и отпочнувањето на постапката на одобрување учебници, се намалува веројатноста за доцнење на процесот, односно се обезбедува континуитет на планираните промени.

МОН изразува благодарност до новиот директор на Бирото за развој на образованието, Абдулфета Фетаи кој го интензивираше процесот на изработка на наставните програми, како и низа други процеси, меѓу кои и набавката на педагошка документација и свидетелствата, кои во минатото, често се случуваше да доцнат.

Latest from Blog

Апокалиптични слики од поплавите во Тексас

Апокалиптични и траорни снимки пристигнуваат од Тексас, САД каде реката Гвадалупе го надмина речното корито, а водата на реката достигна ниво поголемо за 8 метри носејќи куќи, автомобили и животи. Според последните

М-НАВ и официјално стартува со вработувањата за кои Синдикатот тврдеше дека се спорни

АД за услуги во воздухопловна навигација М-НАВ, компанија во државна сопственост, соопшти дека презема низа чекори за кадровско засилување, модернизација на опремата и имплементација на нови технологии, во насока на целосна реорганизација

Ѓоковиќ во четвртфинале на Вимблдон

Седумкратниот победник на Вимблдон Новак Ѓоковиќ (Србија) со победата од 3:1 во сетови над Алекс Де Минор од Австралија се избори за 16-то четвртфинале на Вимблдон. Тој во денешното осминафинале направи пресврт

Во прекин сообраќајот во еден правец на „Јадранска Магистрала“

АМСМ информира дека во прекин е сообраќајот на „Јадранска Магистрала“ од клучката Приштина (во близина на ГП Блаце) до бензинска пумпа „Дизел“, во близина на обиколницата. „Од 16:00 часот во прекин е

Земјотрес во Струмица и Валандово

Денеска во 13:35 часот, телеметриската мрежа на Сеизмолошката опсерваторија при Природно-математичкиот факултет во Скопје регистрираше земјотрес со локална магнитуда од 2,9 степени според Рихтеровата скала. Епицентарот бил во епицентралното подрачје Валандово, на