реклама
Судски совет денеска во 11 часот на состанок ја покани претседателката на Врховниот суд Беса Адеми, но таа не дојде. Целта на оваа средба беше Адеми да ги разјасни своите тврдења дека се врши политички притисок врз судиите во Врховниот суд. Отсуството Адеми го најави преку соопштение. Адеми вели дека овие политички притисоци не се нешто ново, туку дека такви притисоци имало и во минатото и го обвинува Судскиот совет дека не преземено ништо во оваа насока.
„И покрај ваквите укажувања, јавноста не доби одговори дали Судскиот совет презел соодветни дејствија, појаснувајќи за какви притисоци се работело. Законските одредби на кои се повикувате во поканата до претседателот на Врховниот суд на Република Северна Македонија, иако погрешно цитирани и во двете верзии, беа и тогаш во важност. Претпоставувам и тогаш имаше потреба од итно и без одлагање да се разгледа прашањето за притисоците и влијанијата во органот на судството кој ја гарантира независноста на судството“, вели Беса Адеми.
реклама
Претседателката Адеми додава дека нејзините цели се да ја заштити независноста и имиџот на судството и да ја зголеми довербата на граѓаните во судството, а како причина за нејзиното отсуство додаде дека имала денеска настан со Коалицијата „Сите за правично судење“.
Но, првиот човек на Судскиот совет, Сашко Георгиев, повтори дека и во покрај не присуствувањето на Адеми, Судскиот совет ќе продолжи да ги штити судиите.
реклама
Судски Совет констатирал дека следниот период ќе ги повикаат судиите поединечно, за да потврдат дали навистина има притисоци или овие се само тврдења на претседателката.
Инаку, иницијативата за оваа средба дојде откако претседателката на Врховниот суд, Беса Адеми, ги потврди тврдењата на албанската опозиција дека има политички притисок врз судиите на Врховниот суд во однос на иницијативата за враќање на сила на аболицијата на поранешниот претседател на државата, Ѓорге Иванов од 2016 година.
реклама
