реклама
Мицкоски бара да продолжи со работа Анкетната комисија за скандалот во Клиниката со онкологија, иако вчера требаше да ја затворат дискусијата и да се донесе заклучок за тоа дали постои политичка одговорност, за што уште на самиот почеток беше поставено како задача. Сепак шефот на опозициската партија вели дека таа треба да продолжи, во однос на контролата при аплицирањето на лековите и особено околу веледрогеријата Пановски која ги има најголемиот дел од тендерите во здравство.
„Од вонредниот инспекциски надзор на Министерството за здравство и јавните набавки во Министерството за здравство во периодот први август 21-ва до први август 23-та година, но истовремено и парцијалниот инспекциски надзор на универзитетската Клиника за радиологија и онкологија период декември 22 – јануари, февруари, март 23-та констатирани се големи неправилности и практично е констатирано дека тоа што се случувало до 21-ва само продолжува“, вели Христијан Мицкоски.
реклама
Но излегува ли од колосекот на работење и самата Анкетна комисија. На вчерашната седница Мартин Костовски од СДСМ кој имаше забелешки и на тоа што се дозволува пратениците од опозицијата да носат свои заклучоци, потсети и дека тие треба да ја завршат работата.
„Повторно на почетокот во финалето на завршувањето на работата на Анкетната комисија дозволувате од страна на пратениците на ВМРО-ДПМНЕ да се изведуваат докази субјективни од страна на опозицијата се со цел да се насочи вината“, порача Мартин Костовски.
реклама
На вчерашната седница кога пред пратениците беше сослушуван државниот јавен обвинител Љубомир Јовески побара да не се нарушува предистражниот процес и да се остави обвинителството да работи. Со реакција се јавија и од Клиниката за онкологија од каде ги отфрлија наводите на Мицкоски дека непотребно се набавувале лекови.
реклама
