САРАЕВО (АА) – Транспарент „ЕУ и Фон дер Лајен соучесници во геноцидот во Газа“ е поставен денес наспроти зградата на Претседателството на Босна и Херцеговина, јавува Анадолу.
Претседателката на Европската комисија (ЕК) денеска престојува во посета на БиХ, што ја започна со средба со членовите на Претседателството на Босна и Херцеговина.
Додека состанокот беше во тек, група граѓани на Сараево одлучија да испратат порака со истакнување транспарент спроти зградата на Претседателството на БиХ.
„ЕУ и Фон дер Лајен се соучесници во геноцидот во Газа“, „Прекин на огнот веднаш“, пишуваше на транспарентите на англиски јазик.
