ИСТАНБУЛ (АА) – Четворица Палестинци беа убиени во нападите на израелската Армија на Западниот Брег утринава, со што бројот на загинати во окупираниот регион достигна 130, соопшти палестинското Министерство за здравство, јавува Анадолу.
Фаваз Хамад, директор на болницата Ал-Рази во Џенин, рече дека Палестинец починал од тешка повреда на главата од израелски истрел за време на армиска рација во градот Џенин и неговиот камп, јави палестинската новинска агенција ВАФА.
Во извештајот, исто така, се вели дека израелски беспилотни летала лансирале два проектила во населбата Џорет ал-Дахаб во кампот Џенин.
Нападот предизвика повреди кај тројца Палестинци, кои потоа беа пренесени во болница од страна на болничарите на Палестинската Црвена полумесечина. Подоцна, болницата Ибн Сина ја потврди смртта на две од повредените лица.
ВАФА, исто така, соопшти дека израелските булдожери почнале да уриваат ѕидови и да ги уништуваат улиците. Тие вандализираа цивилни возила во градот и кампот среде заглушувачкиот татнеж од силни експлозии.
Претходно, 65-годишен Палестинец со инвалидитет беше смртно застрелан во главата од израелско огнено оружје во градот Тулкарм на Западниот Брег, изјавија за ВАФА медицински извори во владината болница Мартир Табет Табет.
Изворите потврдија дека жртвата била убиена и покрај инвалидитетот.
