СКОПЈЕ (АА) – Меѓународниот балкански универзитет (МБУ) во Скопје организираше конференција под наслов „Туркије и Балканот на 100. годишнината на Републиката: Заедничко наследство, култура и иднина“, во рамките на прославата на 100. годишнината од прогласувањето на Република Туркије, известува Анадолу.
На конференцијата што се одржа во кампусот на МБУ во Скопје присуствуваа Мухамед Челиккаја, потсекретар на турската амбасада во Скопје, членови на Управниот одбор на МБУ, претставници на турските институции и организации во Северна Македонија, академици и студенти.
Модератор на конференцијата беше д-р Актан Аго, еден од истражувачите на Институтот за фолклор „Марко Цепенков“, а презентација имаше Драги Ѓоргиев, директорот на Националниот институт за историја на Северна Македонија.
Ректорот на МБУ проф. д-р Љутфи Сунар, во својот говор на отворањето на програмата, рече дека кога зборуваме за 100. годишнина, не зборуваме за новооснована земја, туку зборуваме за обновена верзија на земја, чија историја се протега со векови наназад пред овие 100 години.
Наведувајќи дека 1923 година може да се опише како датум кога завршиле војните и во земјата започнал мирот, Сунар посочи дека Република Туркије е основана како продолжение на претходните турски држави и може да се смета за последен претставник на државната традиција чии корени одат илјадници години наназад.
Осврнувајќи се на важноста на темата на конференцијата, ректорот Сунар рече: „Тука, во Скопје, како институција со стотици студенти од Туркије, ние, како Балкански универзитет, буквално сме симбол на нашата заедничка агенда и заедничко минато“.
Ѓорѓиев пред новинарите во врска со својот презентација на конференцијата рече дека му е чест што како учесник присуствува на оваа конференција бидејќи смета дека Османлиското наследство има навистина огромно значење за денешницата на целиот Балкански простор.
Посочувајќи дека Отоманската империја е третото наследство во регионот по римското и византиското наследство, Ѓорѓиев истакна: „Затоа што ова наследство е најблиско до нас во времето и луѓето се сеќаваат на тоа наследство, тоа е од извонредна важност за денешницата на Балканот и за сите народи кои живеат на овие простории.“
Ѓоргиев своето излагање на конференцијата го започна на турски јазик, а потоа го продолжи на македонски јазик.
