„Подобро со социјална помош отколку со работа“ – Социолог: Се злоупотребува, примаат помош и работат на црно

Многу граѓани во Македонија живеат со социјална помош, а Скопје е град со најмногу граѓани кои примаат ваква помош. Според истражувањата на ИДЕА, три општини со најмногу приматели на социјална помош во 2021 биле Шуто Оризаре со 2,189 приматели (22.71% од целиот скопски регион), општина Чаир со 2,027 приматели (20.94% од целиот скопски регион) и општина Сарај со 1,055 приматели (10.90%).

Само овие три општини сочинуваат 54% од вкупниот број приматели на социјална помош во скопскиот регион, а заедно со општина Студеничани сочинуваат 64% од вкупниот број приматели.

Од друга страна, 3 општини со најмал број приматели на социјална помош се Зелениково со 55 приматели, Илинден со 71 примател и Сопиште со 74.

Зошто е бројот олку голем? Социологот Лиман Алији вели дека повеќето ја злоупотребуваат, примаат помош а работат на црно.

„Кај албанската заедница недостига свеста кај луѓето кои работат, примаат за да работат во неколку фирми, а не ги пријавуваат како вработени во тие претпријатија, а всушност се лица кои работат на црно или работат со половина работно време. Треба да се подигне нивото на свеста кај работодавците да не примаат луѓе без да ги пријават како лица кои работат кај нив“, вели Лиман Алији.

Според статистиките на Агенцијата за вработување, до 31.07.2023 евидентирани се 105.948 невработени лица. Во Скопје има најмногу невработени, околу 22.007 лица вкупно, од нив 12.603 се Албанци.