реклама
Палење на трска во Охридското Езеро е единствен случај за кој е поднесена кривична пријава во изминатава година, вели директорот на Државниот инспекторат за животна средина Сретен Стојковски во неделното интервју на Радио Слободна Европа.
Од друга страна сите другите постапки за загадувачите биле прекршочни. Се очекува одлука на инспекторите дали ќе одат со прекршочна или со кривична пријава во случајот со опасен отпад во скопската населба Ѓорче Петров, каде билe отстрането над 500 тони отпад од топени акумулатори.
Но, колку кривични пријави се поднесени годинава од Инспекторатот за животна средина? Директорот вели дека се поднесени пријави вредни вкупно 600.000 евра. Дел од нив се доставени до комисијата при Министерството за животна средина, а останатите до надлежните судови. И додека сме на прагот на грејната сезона, директорот Стојковски предупредува дека ќе има санкции за оние кои ќе го надминат нивото на загаденост.
Директорот Стојковски уверува дека сите болници, без разлика дали се од примарно или од секундарно здравство, имаат изготвено извештаи и ги почитуваат мерките. Некои од нив се греат на гас, но некои болници се уште користат мазут за греење.
реклама
реклама
