реклама
Портпаролот на Хјуман Рајтс Воч, Ахмед Беншемски во емисијата „21Анализа“ ја опиша состојбата во Газа и вели дека по посетата на американскиот претседател Џо Бајден на Израел има подобрување на состојбата и преминот Рафах бил отворен, а Израел се согласил да не ги бомбардира.
„Сега зборував за тоа. Има подобрување зашто граничниот премин Рафах беше затворен, се` до денес, додека не го постигнаа договорот. Напредокот е тоа што израелската влада и војска се обврзаа веќе да не го бомбардираат зашто го бомбардираа недела и пол. Ако не грешам имаше четири воздушни напади, можеби и повеќе. Тоа ги присили Египќаните да го затворат. Не може да контролирате граничен премин додека го бомбардираат воени авиони. Израелците се обврзаа веќе да не го бомбардираат и да пропуштат ограничена помош, ама само 20 шлепери, што е апсурдно ниска бројка. За тоа зборувам. Напредок е, но дали треба да аплаудираме за тоа? Секако, не. До 14 октомври, што беше пред 5 години… Пардон, пред 5 дена, а сега веројатно е и повеќе, на границата беа заглавени, подготвени да влезат во Газа, на египетската страна, медицински материјали за 300.000 пациенти на кои им беа потребни. Веројатно ни тоа не е доволно, но има толку многу помош. Буквално стотици шлепери. Има и преку 1000 тони друга хуманитарна помош, веројатно има и повеќе од тоа во моментов. Сите материјали, сите шлепери, се` уште се блокирани. А според договорот со претседателот Бајден, тие нема да смеат да влезат. Како што сфаќаме ние, можеби ситуацијата ќе се промени, но така стојат работите во моментов“, вели Беншемски.
реклама
