АНКАРА (АА) – Најмалку 16 палестински новинари се убиени од избувнувањето на судирите во Газа на 7. октомври, соопшти вчера Меѓународна федерација на новинари (МФН), известува Анадолу.
Федерацијата со седиште во Брисел соопшти дека повеќе новинари се повредени, додека има и новинари кои се водат за исчезнати.
„Меѓународна федерација на новинари (МФН) и Палестинскиот новинарски синдикат (ПНС) ги осудуваат овие убиства и продолжувањето на нападите врз новинарите. МФН повика на итна истрага за нивната смрт“, се вели во соопштението.
Федерацијата објави и дека ги проверува информациите за други новинари кои се убиени во војната во Газа.
Новинарите се повикуваат да „преземат мерки на претпазливост, да ја носат професеионалната безбедносна опрема и да не патуваат доколку нивните медиуми не им ја дадат сета професионална безбедносна опрема потребна за следење на настаните“.
„Ниту една приказна не е вредна за животот на новинарите“, се вели во соопштението.
МФН претставува над 600.000 новинари во 146 земји.
